Isa sa pinaka-masarap sa pakiramdam ay ang masorpresa ng taong mahal mo sa mga mahahalagang okasyon ng buhay mo.
Bilang isang anak na lumaki sa pangangalaga ng iyong mga magulang, ang pag kakaroon ng munting sorpresa ang isa sa pambawi sa lahat ng kanilang nagging sakripisyo para sa iyo.
Hindi na siguro mahalaga kung engrande pa o simple lang. ang mahalaga ay maramdaman ang totoong pagmamahal na hindi matutumbasan ng kahit na ano mang regalo.
Bilang isang OFW, mahira naman para sa iyo gawin ang lahat ng iyong plano kung ikaw ay malayo pa pero hindi kayang palagpasin ang ika- 50 na kaarawan ng iyong pinakamamahal na ina. Kaya naman ginawa yan ng paraan ni Rona na nag tatrabaho sa Singapore.
Nitong March 11, 2020 lamang ay dumayo ang team ng BFC Flowers and Gift sa Camiling, Tarlac upang mag deliver ng isang surpresa kay Nanay Annie na pinaghandaan ng kaniyang anak na si Rona.
Mapapanuod sa buong video na ipinost ng Facebook page ng flower shop na iyon, dumating sila sa bahay nila Nanay Annie na nagkunwaring mag dedeliver ng sofa na kanilang inorder. Ngunit ito ay isang patibong lamang.
Kanila munang pinapunta sila Nanay Annie upang i-check daw muna ang sofa na kanilang inorder bago ibaba ito. Laking gulat niya nang makita ang nag aantay na sorpresa para sa kaniya.
Sa likod ng van, makikita ang dalawang nag gagandahang bouquets. Ang isa ay puno ng mga iba’t ibang chocolates at ang isa naman ay puno ng red roses na may perang kasama na nag kakahalagang P15,000.
Ang likod ng van ay nakaayos ng magkahalong balloons at greeting banner para kay Nanay Annie.
Sinamahan siya ng team papasok ng kanilang tahanan at doon, ibinigay pa ang isang surpresa na kung saan ipinapanood ang video ng pag bati ng kaniyang anak na si Rona.