Isang may-ari ng paupahang bahay sa Penang,Malasia ang hindi makapaniwala sa kanyang nakita sa kanyang pinapaupahang bahay. Matapos paalisin ang hindi na nagbabayad na nangungupahan sa kanyang pinapaupahang bahay, laking gulat nito matapos makita ang loob ng bahay.
Matapos makuha ang susi ng bahay ay nahirapan itong buksan ang pinto. Hindi dahil sa tila ba hindi angkop ang susi sa susian kundi dahil pala ito sa dami ng basura na humaharang sa pinto na naging dahilan upang maging mahirap itong buksan.
Ibinahagi ng sikat ng manlalakbay sa kanilang lugar ang mga larawan ng kanilang nakita sa loob ng pinapaupahang bahay. Ang mga larawan ay mula sa H**g Dhamin. Kung saan makikita ang tila ba gabundok ng kalat na halos umabot na sa itaas ng kisame.
Ayon sa Manlalakbay na kaibigan ng nangungupahan, hindi na raw ito binayaran ng maraming pag kakataon at naging resulta para paalisin ang nakatira rito
Ibinahagi ng may ari ng paupahang bahay na hindi biro ang dumi na kanilang nilinis sa loob ng bahay. Nakakalungkot pa dito ay hindi man lamang tumulong ang tenant nito kung saan sila ay iniwanan na lamang.
Dagdag pa ng may-ari ng paupahang bahay ay inabot sila ng ilang araw para lamang malinis ang dumi at kalat nito na tila ba mistulang tambakan ng basura. Laking gulat din nila ng may makita silang pusa at mga kuting na nagawang tumira sa lugar.
Humingi na rin sila ng tulong sa mga netizens kung papano nga ba nila maibabalik sa maayos na kundisyon ang bahay kung saan maaari na itong upahan ulit.
Tunay nga talagang kung minsan meron palang mga tao na sadyang walang kahilig hilig sa paglilinis ng kanilang tirahan, na katulad na lamang sa storya na aming ibinahagi.
Nawa’y maging aral din ito sa mga makakabasa na mahilig magipon ng basura sa kanilang tahanan. Tandaan na ano mang maliit na kalat kapag naipon ng matagal ay siguradong dadami at dadami din.